Shillong: Ka KHADC ynne ka sngi da pysñiaw ko yei pyrchah yei thmu ka sorkar India wow pynkylla ya ka Citizenship (Amendment) Bill 2016 kawa thmu wow pynman tre ri ya kiwa chong chnong khian paaid na ka ri Afghanistan, Pakistan wa Bangladesh.
U Pynshngain N Syiem da sñiaw khyrngiat u wei phylla yei lai lait ka Joint Parliamentary Committee (JPC) wa da thung da ka Parliament. Da ong u wa ki ADC toh kiwa yada ya ka hok mantre wei man kyrpang ka jaitbru tangwa ka JPC da lai lait ko ya ka KHADC hawa wan paan yumut ko hajrong kani ka aiñ.
U CEM da pyntip u wa ka Council daw thoh ko cha ka JPC wow pynsñiaw yei pyrchah ya kani ka Bill, wei heijooh i por daw kyntu ko wow pynkhlan wei wow ebor chooh chooh ya ka Council khnang wow skem i man kyrpang ka jaitbru.
Also Read: Kamwa 10 seiñ wa e dorkhat haka JPC wow pyrchah ya ka Citizenship (Amendment Bill) 2016
Discussion about this post