Ka KSU Laban Circle da lai e dorkhat ko cha ka chnat PWD (Roads) wym toh u e bor u chna ya ki Pandal kiwa da tymmoh leh ya ki sarok heipor wa man ka Durga Puja neidaw wa kini da pynthut bha ki yei lai i wan ym du kiwa lai kjat kamjooh leh ki kari.
Ka seiñ da ong ko wa ka thaaiñ Laban khamtam ha Shiv Mandar toh kawa khynnia bha deiwa pynrap wym toh wa pyrchah ki yei leh niam næ ya kawon kawon ka niam tangwa deiwa pyrkhat donhi yei suk i lai i wan.
Da ong leh wa ki sarok ha Laban toh kiwa da man chwa kiwi khian wei deiwa em sa ki pynriam da wanrah chooh chooh i yei khynnai wei i thut ya kiwa leh yei kaam yong ki.
Kamtæ da kyntu ya ka chnat PWD wow pyrkhat yeini neibhah ka Laban em ko boon ki jaitbru wa ki jait niam wa bood ki bru wei i lehkmen yong kawi ka niam ym toh wow hap chitom kiwi won.
Discussion about this post