Shillong: Ka Khasi Students’ Union (KSU) West Khasi Hills District Unit da pynrem joor ko ya i thmu wow pypsiah pyrtuid kiwa thap Vote da ka Teilinia Thangkhiew, MDC ka Mylliem kawa thmu wow yakhun MLA Election 2018, ya ki Nepali wa em ha Mylliem Constituency du wow yoh Vote ko.
Katkam ka kyrwoh na ka seiñ lyngba u Rishot kharbani, General secretary ka KSU, da pynsniaw u yei sniwkhia hadooh kattæ kattæ ya ini i leh ka Teilinia wow yoh myntoi ko samen.
Ka seiñ ka dang yooluti ko wa u man ko kam kawa yada yei psiah pyrtuid ki baar-jylla baar-ri ha ka jylla tangwa da leh ko mar chawa yoo deiwa pynchlur wow thap pyrtuid ya kiwa ym em hok hapoh ka jylla.
Ka seiñ da ong ko wa u yakhun ko pyrchah ya ini wa leh kani ka MDC kawa pyrkhat yei myntoi samen khlem pyrkhat yeiwa daw jia hawa bood.
Ka KSU West Khasi Hills District Unit da ong ko wa ini i leh ka Teilinia da ktah joor ko hadooh kattæ kattæ yei sniaw ki paidbah ha West Khasi Hills District khamtam ya ki paidbah ha ka thaiñ Langpih kiwa kylla khian paid neidaw wa em ki Nepali.
Ha Shillong won kiwa mihkhmat won da pyrchang ki won wow e yei hok ya ki wow khlan bor chooh ki deiwa yarap wow e EPIC ya ki.
Discussion about this post