15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah ka NSUI yei pynman ya ki Exam UG/PG ha Meghalaya

Advertisement ad1
Advertisement ad1

Ka NSUI da pyrshah joor ko hajrong i rai ka sorkar jylla wow pynman ya ka Exam neibynta ki UG wa ka PG Final Year deiwa pynman da ka Online waka Offline ha u Naichiphaw deiwa khlem pyrkhat ko ya i long i man wa yatoh wa ka khlam COVID-19 hapoh ka jylla Meghalya.

Ka seiñ da ong ko leh wa kamwa tip hapoh ka ri katwa nang mih ka sngi nang ku kiwa dang yoh wa kamjooh kiwa yap na uni u khñiang, kamtæ ka sorkar jylla kopsar kwah ko wow pynman yaka jylla kam i thaw wow pynroi ya u COVID-19.

Chooh chooh da ong wa ka sorkar da pynyaleh Exam ko khlem ap yeiwa sñiaw kiwa lai puræ, deiwa khlem pyrkhat leh ya kiwa sah cha ki thaw wa cha palatsor kiwa ym pu em chah ktah ha uni u khñiang wei deiwa lai yaleh Exam ki, ye ki wow wanrah ya uni u khñiang iwa ye u chah ktah sa ka chnong ka thaw.

“Ha kam kini ki por wa boon ki khynnah wa kiar u mih cha lait neidaw i tieñ ya uni u khñiang tangwa ka sorkar dang pyrchang ko u pynchlur wow mih cha lait wei lada em ki khynnah kiwa chah ktah wei khlaad na uni u khñiang kiyi wow bah khlieh?” da kylli ka seiñ.

Da seiñ da ong ko leh wa ki khynnah kiwa sah yung-wai kiwa da liwan chnong wei wa da ieh ya ki yung-wai yong ki, kiwa sah jngai na ka District Headquarter, hawa wan leh ki ya ki Exam ki yong ki, heiwon u sah ki nalor wym em ki ya kiwa ha yung na sem ki, kamjooh leh da ieh ki yei yung-wai ki.

Chooh chooh da ong wa em ki College wot tang ki lynnong leh ym pu sdang ki kamjooh ym em kitæ ki hikai na ki Online Class, kamtæ ki khynnah kammon u chemphang ki u thoh ya kani ka Exam. Nalor ini, ka sorkar wot tang ya u paidbah ka jylla ym ye ko u yada na uni u khñiang kammon u ye ko u yada saya kiwa lai puræ. Wei lada em wa yoh COVID-19 chwa wow psiah thoh Exam, pyrkhat kammon u man hawa thoh ya ka Exam.

Da ong leh wa ini i rai ka sorkar toh wa ym em kwah ko u pynman salonsar ya ka Exam hawa ya ka Exam da pynman da ka Online wa ka Offline wa ya ki khynnah kiwa em hapoh jylla u pynman da ka Offline katwa ya ki khynnah wa em cha baar u pynman da ka Online iwa man i leh chilliang ya ka Exam yong ki khynnah wei ini toh u man salonsar ko.

“I neiliang ka NSUI, Meghalaya da pyrchah joor i yeini i rai ka sorkar jylla wow pynman ya kani Exam wa daw wan yong ka UG wa ka PG Final Year wei neiliang ka State NSUI kwah i wa neiliang ka sorkar jylla wow pyndam ya kani ka Exam kawa ye u ktah ya i mynsien yong kiwa lai puræ wei kamjooh wow pynku Class ya kiwa lai puræ  deiwa khlem pynman ya ka Exam kamwa leh kiwi ki jylla kam ka Maharashtra, Rajhastan, Haryana, Punjab, Madhya Pradesh wa kiwi.

Da pyntip leh wa ka NSUI ini wadep da pynman yaka pyrchah (Protest) ya ka Exam yong ka JEE-NEET ha ka 28-08-2020 ha kylleiñ soodong yong ka jylla kamjooh ha ka ri India waroh kawi.

Ka kyrwoh na u Lalrinzuala Thieite, State General Secretary ka NSUI Meghalaya.

Share this:
Previous

Phah khang ka DC ya ki kattu katni ki dukan ha Shillong

Next

Wan pait u CAS ya ki Air Force Base wa em ha ka thaaiñ mihsngi