theme-sticky-logo-alt
theme-logo-alt
Advertisement ad1
Advertisement ad1

Pyrchah Ka Sur Ka Bri U Hynniewtrep yei kem ya ki 5 ngut wa suba booh IED Bomb

Advertisement ad1
Advertisement ad1

Kiwa yahkhmat Ka Sur Ka Bri U Hynniewtrep da beiñ ki ya ka sorkar wa ki pulit wa kem ki ya uwi u khynroo uwa da chah pynbaad wa emkti wow booh IED Bomb hakhmat ka yung krehkaam ka NPP.

Hawa klam ha ka yalang wa pynman ha madan Malki ynne ka sngi, u Secretary ka seiñ, u Marbud Dkhar da ong u, “I da yoo wa da dep wow kem ya 5 ngut ki khynroo na Umphyrnai kiwa da chah pynbaad wa booh IED Bomb hakhmat ka yung krehkaam ka NPP. Ieh u leh ki pulit yei takit tang wow pynbaad hi-eh toh i wym hoi wei ym chah i yeini. Ka Sur Ba Bri U Hynniewtrep ym chah ko ya ka sorkar wow kem kulmar ya ki khynroo.”

Hadien ka yalang hawa yaklam wa kiwa thoh khubor, u Dkhar da ong u wa ki pulit da phah kem du neidaw wa suba ya kini ki khynroo kiwa em dang 19-20 snem i rta.

“Kiwa hayung hasem kini da tieñ ki ya jia biang kamwa jia ya u Cherish S. Thangkhiew pyn hapoh i yung wa sah uwa da chah siat du neidaw wa suba wa emkti wow booh IED Bomb,” da ong u Dkhar.

Uwi won u dkhot, u Donboklang Kharlyngdoh da beiñ u yei tlot ki pulit wow yoh yutip chwa hawa yatoh wa i chah yap u Thangkhiew wa i kem ya kini ki 5 ngut ki khynroo.

“Da yoo i yeiwa ong u Waheh Chnong wa waroh san ngut toh ki wym emkti wei kiwa khih mylla sngi. Lada em ki sabut na ki CCTV da toh wow pynyoo ya i. I beiñ i ya ini i lai kem ya kini ki khynnah wei da pyntip ki waheh wasian wa kini ki khynnah khynroo ym toh kiwa emkti,” da ong u.

Kam wow pynkynmoo wa waroh kiwa da chah kem ha ini i booh IED Bomb hakhmat ka yung krehkaam ka NPP da em ki 5 ngut kiwa na Umphyrnai.

Share this:
Previous

Ka sorkar da pynslem chanam ko wow beh kreh chipor ya ki heh pulit: Ka Sur ka Bri u Hynniewtrep

Next

I mih i kynrum kynram hapoh ka KHNAM toh neidaw wym bien u emlang ha ka sorkar: Adelbert