Kiwa chong chnong khappood ka Arunachal Pradesh da pyrchah ki ya ka soskular wa da soi wa ka Assam ha ka 20 tarik uni u bnai wow pynbait ya u pood hadien kamwa 50 snem.
U montri rangbah ka Assam, u Himanta Biswa Sarma wa u montri rangbah ka Arunachal Pradesh, u Pema Khandu da soi ki ya ka MOU hei emlang u montri ki kaam pohyung ka ri, u Amit Shah wow pynbait ya ki 123 tylli ki chnong kiwa em ha khappood kini ki ar jylla.
Ka Tirap, Changlang and Longding People’s Forum (TCLPF) da maham ko wow lai cha kasari pyrchah ya kani ka soskular neibhah wa man ko pyrchah ya ka jaitbru Tangsa kiwa toh u em ha Arunachal Pradesh tangwa katni u em noh ki ha Assam.
Ki 13 chnong yong ka Arunachal Pradesh da pynman yalang ki ha ka 24 tarik uni u bnai wow pyrchah joor ya kani ka soskular.
