Pyrchah ki Non-Tribal yei pynbna ka GHADC wa emkaam ST Certificate yow yaleh Election MDC

U MDC warim ka GHADC, u Sofior Rahman da maham u wow lai cha ka yung bichaar hadien wa ka EC ka Council da pynbna ko ini wa dep wa emkaam ya ki kyrtong MDC wow wanrah ki deilang waka ST Certificate hawa thap pyrtuid ki yow yaleh Election, wei yeini da ong u wa da leh deibor wei khlem da bood ya ka aiñ.

Da ong u wa kani ka pynbna ka GHADC toh kawa khlem da bood leh ya ka riti synchaar ka ri wei khlem da burom leh ya u Lat ka jylla kamjooh ka chnat District Council Affairs.

Da kdaw u leh wa hapoh ka Para 11 ka Sixth Schedule da ong wa i pynbna toh u wan ko lyngba u Lat ka jylla wei yow pyndam namo wow Disqualify ya ki kyrtong leh toh u wan ko lyngba i pynbna u Lat hapoh ka Sixth Schedule lym kamtæ da tyngkheiñ ko leh ya ka Article 14.

U Rahman da ong u wa ki Non‑Tribal da yaleh Election ki ha GHADC nadooh u snem 1952 wot ki waheh nadooh nachwa jooh yaleh Election ki kam na Kharkuta wei da man ki leh kam ki MDC.

Kamtæ da ong u wa ini i pynbna man ko kam ka maham ya ki jaitbru Non-Tribal kiwa da em heini da slem bha tangwa kattæ deiwa leh kamni da kheiñ ya ki kam ki Bangladeshi.

Da khana u leh wa da lai pyntip ki yeini cha u Governor wei da pynkhreh wow lai cha ka High Court wei wot chadooh ka Supreme Court.

Ha iwi won i liang, u Enamul Haque kam uwi uwa mut wow yaleh MDC na Balachanda Constituency ka GHADC leh da ong u wa ini i pynbna ka Council wa emkaam Scheduled Tribe Certificate man ko pyrchah ya ka aiñ.

Da kdaw u wa ha u snem 2021 da yaleh Election na kani ka Constituency khlem da em iwon iwon i thut wei katkam ka Paragraph 11 ka Sixth Schedule kam ini i pynbna toh u wan ko lyngba ka Paragraph 11 lada pynmih ya kiwon kiwon ki kyndon wa thymme.

Related posts

E yarap u Sniawbhalang neibynta ka madanbol wa ka RCLP School ka chnong Sohphoh

March 4, 2026

La 787 ngut wa yap hei dat bomb ka US-Israel ya ka Iran

March 4, 2026

Neiliang won ki seiñbhalang ka Garo Hills wa kynthup ya ka FKJGP, ADE, AYWO, ADE wa ka Zikku Balgra wa yahkhmat ka GSU da maham ki ya kitu kiwa pyrchah yeini wa da pynbna ka GHADC wow wanrah ST Certificate heipor wa thap pyrtuid yaleh Election deiwa yaroh leh ya ka Council wa da pynmih ko ya kani ka pynbna yow khanglaad ya ki Non-Tribal.

Heijooh i por leh da sñiawsih ki wa da em ki 4 ngut ki MDC kiwa da kwah wow pynkylla yeini wa da pynbna.