Pyrchah kiwa kreh 108 yei khut Tender ka sorkar | Dawa wow pynskem yei kreh

Kiwa kreh ka 108 Emergency Service hapoh ka lama yong ka Meghalaya EMRI Workers Union da dawa ki na ka sorkar wow pynskem noh yei kreh yong ki kamjooh wow pynsangeh yei khut Tender wow ekti u pynlai ya ka (108) cha ki Private Company.

Ka seiñ da kdaw ko wa i ekti cha ki Private Company wow pynlai ya ka man iwa tlot wei u pliah i toh du deiwa ekti cha ka National Health Mission (NHM).

Ha ka dorkhat wa ekti cha u Health Minister u Wailadmiki Shylla, ka Union da ong ko wa i chakri wa 16 snem nadooh u 2008 toh iwa emkaam bha hawa jhan ki paidbah.

Da kdaw ko wa hadien wa tlot i pynkreh ka GVK Company da pynbor ya kiwa kreh kamjooh ki paidbah wow pyrchah ya ka iwa da ktah yei rukom chakri khamtam kiwa tyngkhooh wa i tyrrah kari neibhah ka GVK ym em ko ya ki karkhana wow chna pynmiat ya ki Ambulance, i wym em ko ya kiwa kreh wa biang, i duna ki dawai wa kiwi kiwi.

Chooh chooh da kdaw ko wa i chakri da man iwa bait nadooh wa pynlai ka NHM ya ka.

Related posts

Sdang ka Woodland WK Hospital yei pynkha khon wa khlem kjut iwa nyngkong dooh hapoh ka West Jaiñtia Hills

March 22, 2025

Pynman ka Jowai City YMCA ya ka Health Camp neibynbta kiwa da heh rta

March 21, 2025

Da pyrchah leh yei rai ka sorkar wow e Sub-tender cha ka Shishupal Agency wow thung kreh ha 108 Emergency Response Services, heiwa da ong wa emkaam ya ka sorkar hi wow thung ya kiwa kreh.

Ka Union da tyrwa ko ya ka sorkar namo ya ka National Health Mission (NHM) wow pynman hi yei thung kreh hapoh ka 108 Emergency Services.