Pyrchah kiwa pynemkaam Drugs yeiwa pyndam noh ka MACS ya ka VHAM ha ri-loom Jaiñtia

Shillong: Ka Meghalaya AIDS Control Society (MACS) da pyndooh noh ko ya ki ar tylli ki Centre wa pyllai da ka Voluntary Health Association Of Meghalaya (VHAM) kawa em ha Jowai wa ha Ladrymbai wei da ekti noh wow pyllai da ka Mihmyntdu Community Social Welfare Association (MCSWA).

Ka Project Director ka MACS, ka Dr (Mrs) L. Lyngdoh da ong ko wa pynchong yurim ya ini katkam i chem ka Fact Finding Team wa ka Enquiry Committee, wei da rai wow pynkut noh ya kini ki centre ka VHAM ha Jowai wa ha Lad Rymbai nadooh ka 1 tarik Kmaichonglad (Dec) 2017 hadien wa chem wa ka VHAM da pynemkaam bakla ko ya ka poisa wa da booh neibynta kiwa pynemkaam Drugs.

Ka Fact Finding Team ka Northeast Technical Support Unit (NETSU) kawa da leh ya kani ka takit da lai pait ko ya ki TI Centre ka VHAM ha Jowai wa ha Ladrymbai hadien wa yoh yutip ki wa ym biang krehkaam ki. Ha kani ka takit da chem chiboon i bakla yei pynemkaam ya ka poisa, i kam yei boon kiwa dih drugs wa kiwi kiwi.

Ka RTI ka President ka Civil Society Women Organisation (CSWO) ka Agnes Kharshiing da pynyoo ko wa da em T.39, 91,655  ka poisa wa pynemkaam bakla da ka VHAM hawa pynkrehkaam ya ka Targeted Intervention for Injecting Drug Users (TIIDU) ha Jowai wa ha Ladrymbai. Kani ka poisa toh kawa da mang e sumaar wa kiwi de ki chakri ya ki bru wa em khniang HIV.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hajrong ini ka CSWO da dawa ko wow takit da ka CBI namo wow e kti cha ka tnat CID.

Ki bru kiwa pynemkaam Drug ynnin ka sngi hapoh ka lama Meghalaya Drug Users’ Network (MeDUNet) da pynman ki ya ka lai paidbah kawa kut ha khmat yungkrehkaam ka MACS wow pynsniaw yei pyrchah yong ki yei chah pynbaad ka VHAM wei da dawa naka MACS wow pteiñ biang ka VHAM kam nachwa ha ki artylli ki Center wa em ha ri-loom Jaiñtia.

“I kwah i wa i sumaar ya i ym thut i wei toh u pynneh da ka VHAM,” da ong u General Secretary ka MeDUNet u Arborlang Thangkhiew hadien wa yachem ki waka Project Director ka MACS ynnin ka sngi.

Da dawa leh wow pyndam kreh noh ya waroh kiwa kreh ka NETSU neibhah wa ki da wanrah ki yei pynbaad wa khlem yurim ya ka VHAM wei  lada jia iwon iwon ya ki, ka MACS haap kit khlieh ko.