15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Pyrchah sa ka HSU yaka tamasa Meghalayan Age

0 Comments
Advertisement ad1

Ka seiñ Hynniewtrep Students Union (HSU) da pynsñiaw ko yei pyrchah yei pynman ka sorkar yaka tamasa Meghalayan Age ka wow man ha Lad Mukhla, West Jaiñtia khlem da pyrkhat yei maa nei poor smat yong u Coronavirus khamtam ha kam kini ki por wa uni u khñiang kjut da sdang poor u ha ki katu katni ngut kiwa chong chnong hapoh ka ri india.

Ka seiñ da pynsñiaw ko leh yei sñiawsih yei lehstiñ yong ka sorkar wow thooh laad thooh luti wow yada ya ki paidbah yong ka jylla na uni u khñiang. Da ong leh ym em kwah pyrchah ya kani ka tamasa tangwa ha kam kini ki por, ka sorkar jylla emkaam ko wow pynkhreh smat ya ki laad yada wei na ini i daw da pynsñiaw yei pyrchah ya kani ka tamasa neibhah kamwa da pynsñiaw ka sorkar wa ya kani ka tamasa daw wan ya chimbynta na kylleiñ kylleiñ ki bru wei khamtam kiwa na baar ri, neibhah ym tip ki bru wa kammon ki wow wan cha kani ka tamasa khamtam kiwa na baar ri neibhah ka sorkar ym em pynkhreh chwa ko ya ki laad yada wei kamjooh leh ki laad wow tip kiwa kamwon ki bru kiwa wan chimbynta ha kani ka tamasa wei leh ki laad wow pynsakhiat wa ki bru kiwa ya chimbynta toh kiwa ym em chah ktah.

Heijooh i por leh ye ko wow kthah yaki khynnah kiwa dang em Exam katni, kamtæ neiliang ka seiñ da kyrpaad ko yaka sorkar wa ym toh u leh stiñ wei ka seiñ ka kyrpaad ko wow sñiawbha wow sangeh chwa ya kani ka tamasa.

Ka kyrwoh na u K. Rymbai u President ka seiñ.

Share this:
Previous

Hajrong i chah pynbaad u Bison; Ka aiñ u leh ko yeiwa emkaam: Kyrmen Shylla

Next

Chong hei stat ka sorkar wow pyrkhat yei pynman yaka tamasa Meghalayan Age: Dr. Mukul