15 49.0138 8.38624 1 0 4000 1 https://wyrta.com 300 0

Pyrchah wei pynrem uwa chah e FIR ha u DC ka EJH

0 Comments
Advertisement ad1

Jowai: U Marshal Biam uwa naka chnong Ladrymbai Dongwah haka kyrwoh khubor da pynsñiaw u yei pyrchah wei pynrem u ya u Deputy Commissioner, East Jaiñtia Hills u F.M. Dopth yei e FIR u pyrchah ya oo (Marshal).

U Marshal Biam da pynche u deiwa ong wa hei pynbaad u DC haka FIR kawa da mih khubor haka 19-11-19 hajrong wym su yaka ka bai khyndaw (Compensation) ya kiwa chong chnong ka Hingaria ya i bai thaw kiwa da e ki cha ka sorkar yow kær ya u pood yong ka thaaiñ khapood waka ri Bangladesh kawa haap ha East Jaiñtia Hills District.

Advertisement ad1

Da ong u wa hei yong sakhiat kini kiwa chong chnong yong ka chnong Hingarai da wan ki cha oo wow ood wym yoh ki yaka bai thaw wa da e cha ka sorkar, wei neiliang yong oo kam uwi na ki bru wa pait ya i khia i chon yong ka imlang ka sahlang uwa jooh yarap ya kiwa dooh wa kyrdooh ha waroh ki liang, kamtæ oo da yah u ya ki 64 ngut yow lai booh yei thoh yong ki cha ka yungkrehkaam yong u Deputy Commissioner, East Jaiñtia Hills ha ka 13-11-19 neibynta wow paan yarap na u DC neidaw wa man u khlieh dooh wow pait wow bichaar ya kani ka kaam.

Neiliang u Marshal da ong u wa sñiawphylla u wow tip wa kammon u DC e u da ka FIR pyrchah ya oo du neidaw wa yah u ya kiwa chong chnong ka Hingaria yow yoh yei hok yong ki.

U Marshal da khana u wa lada kini wa chong chnong ym yoh ki yaka hok yong ki, ym yohsa u wow paan da ka RTI næ wow yaleh da ka PIL. Wei ye u man wa tieñ u DC wa da em kawi ka RTI kawa oo da dep paan u hajrong waroh ki Cement Plant kiwa em hapoh ka East Jaiñtia Hills District nadooh ka 22-10-2019 kawa ym pu em yoh jubab hadooh katni wei ini leh ye u em iyi re iyi cha kylla.

Da ong u leh wa u DC toh u khut yaklam chwa lane pynche ya waroh arliang mamla ym toh wow e da ka FIR kawa pynyoo wa em iyi re iyi i wym ye u tip. Da pynngat leh ya oo ha ki kyndon aiñ hadooh 8 tylli ki kyndon. Wei ini i leh u DC da pyndooh ko yaka hok long bru man bru kawa man pyrchah ya ka riti synchaar yong ka ri India wei pynyoo ko yei leh embor u DC.

“Neiliang yong nga, u lai bait O chakhmat wow dawa ya ka hok wot la chah kem næ jia kiwon kiwon ki jia ha i im yong nga, nga ym kynran dien O hadooh wa da yap.” Da ong u Marshal.

“Lada kam u heh dooh yong ka District u em u kam ini i rukom man, man ko kawa eh ya ki paidbah wow dawa næ ujor ya iwa eh wa yachem ki, heiwon won u paan ki yaka hok yong ngi kam ki paidbah yong ka District.” Pynkut u Marshal.

Advertisement ad1

0 Comments

Leave a Reply