theme-sticky-logo-alt
theme-logo-alt
Advertisement ad1
Advertisement ad1

Pyrchang ka BJP wow thooh ya ki bru kiwa biang ki wow jop 

Advertisement ad1
Advertisement ad1
Advertisement ad1

U heh ka Bharatiya Janata Party ha Meghalaya uwa man leh u MLA na Pynthorumkhrah, u Alexander Laloo Hek da ong u wa ka seiñ da pyrchang ko wow thooh ya ki bru kiwa biang wa ka Constituency kiwa ye wow jop neibynta ka Election MLA ha u 2023.

Da ong u wa ha ki Election wa dadep ka BJP da pynkhreh bha ko, tangwa da slem won i por wa pynkhreh ko, wei neibynta ka Election MLA 2023, ka seiñ da pynkhreh ko chaaid chaaid wei dang kreh ko deiwa jai-jai.

Advertisement ad1

Hawa kylli yeiwa ym sai kyrtong thymme næ wow chaniah ha kiwa da man chwa kiwa mihkhmat, u Hek da ong u wa ka seiñ ym chaniah ko du ha kiwa da man chwa kiwa mihkhmat neibhah em kiwi kiwa yahkhmat kiwa kwah wow psiah cha ka BJP wa kynthup leh ya ki MLA.

Da ong u wa em ki MLA na kiwi ki seiñ kiwa pynyoo ya ki dak wa kwah ki wow psiah cha ka Party, tangwa katni ympu toh i por wow pynmih ya i pyrtuid yong ki deiwa ong leh wa em ki bru wa thymme ki bru waheh kiwa daw psiah cha ka BJP.

U Hek da ong u wa ka BJP daw lai ko cha ka Election wow wan da ka thong wow wanrah ya i synchaar wa khooid, wei kawa em ki kaam pynroi, heiwa da ong u wa kiwi tawon ki mat wa ka Party chim ko u man ki wow kyntu kynrong ya i yoh kreh wei kwah ko wow em i kylla ha ka Reservation Policy deiwa mang kyrpang 40% neibynta kiwa duna ha i yoh i laa.

Share this:
Previous

I sñiawngooh na kiwa ha yung ka (L) Moltina Shylla

Next

Da toh pynhaap ya kawi ka Diary wa kheiñ sap kheiñ tap