Ka Montri ka sorkar pyrdi kawa pait ya ka chnat Finance and Corporate Affairs, ka Nirmala Sitharaman, ynne ka sngi da lai ko cha ka chnong Larnai, West Jaiñtia Hills District yow yachem wa kiwa chna kchu khyndaw dei stat yongrim kawa da yoh katni ya ka GI-Tagged Black Clay Pottery. Chwa u poi ha Larnai da lai ko leh cha Shri Maa Jayantee Temple wa em ha Nartiang deilang ka kpær moopynyieñ wa em ha kani hi ka chnong.
Ha Larnai da batai ya ka Sitharaman yei rukom chna ya kini ki kchu iwa da hiar pateiñ da boon rta wei da man ko leh kam i dur i dar wa i naam kani ka chnong. Kini ki kchu wa da chna da i khydaw rong yong wei deiwa pynemkaam dei kti da yoh ko ya ka Geographical Indication (GI) kam wow tipmit yeiwa phær i rukom man.
Ka Montri da yaklam ko leh wa kiwa chna kchu kiwa da pynyoo ya ka kammon chna ki heiwa ka leh da pyrchang ko wow leh yeini. Hadien ini da ong ko wa ini i stat tynre toh iwa kordor bha wei kawa ye wow pynku yei yoh i kot kamjooh wow pynneh pynsah yei yong warim.
Neiliang kiwa chna kchu da khana ki leh yei pyrchang kattæ wow pynlai yaaw ya ki mar yong ki cha kiwa boon ki thaw.
Discussion about this post