Ka Jaintia Students’ Movement (JSM) Central Executive Committee, Education Cell daw pynman ko ya ka yakob “Thoh chithi cha u CM hajrong i ktah i khang mooyong ya ka yoh ka kot” sa ha West Jaintia Hills District hadien wa dep u pynman ha East Jaiñtia Hills.
I daw wa pynman ka JSM ya kani ka yakob toh neidaw wa nadooh wa khang ya u mooyong ha Meghalaya da ka NGT ha u snem 2014, da ktah ko chiboon khamtam yei yoh i kot ka Ri Jaiñtia hadooh wym dap de ki manyung wow phah lai puræ ya ki khon ki kti wei boon leh da pep ki chiteiñ por.
Waroh ki khynroo purea na Jaintia Hills na pyn ar District East wa West kiwa em kini ki kyrdan puræ nadooh Class X, XI, XII wa ki Undergraduate (UG) ye ki wow chimbynta wei i ktien wa ye u thoh toh da ka Khasi næ English.
Ka chitihi toh u em ko 200–300 kyntien deiwa thoh che yei pyrtuid ka skur næ College, i chnong wa i Phone Number.
Kiwa jop daw yoh ki:
Khusnaam nyngkong: ₹5,000
Khusnaam wa ar: ₹3,000
Khusnaam wa le: ₹2,000
I thaw wa ka tarik toh ha District Library Mynthong, Jowai ha ka 27 tarik June, 2026, i por 12:00 waje pyrdi sngi.
Kamtæ da kyntu ka JSM ya ki khynroo khyllood u yawan chimbynta neibhah i sur yong ki khynroo khyllood man ko i sur yong ka imlang sahlang, kamjooh leh da kyrpaad ya kiwa chimbynta u wanrah ki ya ka Exam Cardboard yong ki.
Nadooh ki kyndong kynchrot ki thaaiñ Dawki chadooh Ratacheera, na ki thaaiñ Kupli chadooh Myntang, nadooh ki thaaiñ Mukroh-Lapangap-Khanduli chadooh wah Mynkhen, ka Wyrta wa wanrah da ka JSM.
Neibynta u tip bniah yei phi wow Phone næ WhatsApp ha kini Number: 7630030965/8787789140.
Discussion about this post