Ka sorkar pyrdi dang pyrkhat ko wow pynemkaam da ka lieñsuiñ Indian Air Force (IAF) yow kit ya ki Question Paper ka NEET-UG ha ka Re-Test wow man ha ka 21 tarik u June hadien wa lait tooh ki Question Paper ini wadep.
Ini wan i hadien wa pyndam ya ka Exam ha ka 3 tarik uni u bnai hadien wa lait tooh ki Question Paper iwa da pynchrai ya ki khynnah wa ki manbei manpa ha kylleiñ ka ri.
Ha kani ka Exam da em palat 23 lak ngut ki khynnah wa da Register wow yakhun ya ka.
Neibynta ka 21 tarik u June da pyrkhat yillu wow pynemkaam ya waroh ki chnat wa kynthuplang ka sorkar nadooh ka Home Ministry, CAPF, ki pulit ki jylla khnang wow pyntikna wym lait ki.
Yow lait biang i thut wow pynman ya kani ka Exam da pyrkhat wow pynemkaam wot ya ki lieñsuiñ Air Force.
U Education Minister, u Dharmendra Pradhan da kubur u yei tlot i krehkaam chwa wow pynman ya ka Exam wei da pynbna u ya ka 21 tarik u June ka tarik thymme ka Exam.
Discussion about this post