Ki tre thaw wa kiwa rep ka Shnongrim, Elaka Nongkhlieh wa em ha East Jaiñtia Hills District, ynnin ka sngi da yoh ki wow lai e dorkhat ha u Montri Rangbah ka jylla, u Conrad K Sangma heipor wa wan u cha ka yalang wa pynman ha Latyrke.
Ha ka dorkhat da khana wa ki toh kiwa rep ha Lum Syrman wei man ki leh kam ki tre thaw ha kani ka thaw kawa mut wow tih moochuni da ka Shree Cement wei yeini da leh khlem da yaklam wa ki wei ym em e laad leh wow pynsñiaw ki yeiwa sñiawkhia ki nadooh neiliang u Dolloi wa ki heh ka Elaka Nongkhlieh.
Kini kiwa rep da ong ki wa ki em ki leh ki ya ki kot ki sla nadooh ka Pata, Land Holding Certificate wa kiwi de kiwa da e da u Dolloi deilang ka District Council wei kiwa boon da mantre ki da kiwa boon ki rta deiwa hiar pateiñ katkam ka dustur riti.
Wei chwa wow pynman ya ka Public Hearing ha ka 22 tarik uni u bnai, dadep ki wow lai booh ujor ha kiwa boon ki bor sorkar kam ki tre thaw tangwa ym em yoh jubab.
Kamtæ da dawa na u Conrad wa kat wym pu dep u pynbait wei pynhun yei sñiawkhia kiwa rep wa ki tre thaw, ymtoh wow lai chkhmat yei thmu tih moochuni ka Shree Cement, toh u su leh cha waroh kiwa rep ka bai lutsan deiwa khooid wei katkam ka aiñ.
Toh leh u tipmit yei hok ki tre thaw katkam ka dustur riti wei wow ap u sñiaw yeiwa sñiawkhia ki wei ymtoh u tih moochuni, u pynman Public Hearing lane kiwon kiwon kat wym pu ye wow pynbait ya waroh kiwa da wanrah hakhmat ha ki ujor wa boon.
Da pynkut deiwa ong wa ka sorkar toh u pynbait ko yeini waroh smat khnang wym jia de i wym ya sñiawthooh, i ya kynaad, i mynsoo mynsnaam yow neh ka suk ka saaiñ.
Discussion about this post