Jowai: Ka Mayalang Sport Club (Mukhap) da pynkut ko ya ka lympung lehke football wa tip kam ka 10th Mukhap Premier League 2018 kawa man ha Madan Mukhap haka 8 tarik uni u bnai heiwa ka yalehke wa khaddooh da pynman hapyrdi ka Mayalang Sport Club 4 Star SC waka Rising FC.
Ha kani ka sngi u Eleazer C Dkhar uwa man kam u President yong ka UDP Mowkaiaw Circle da man u kam u kongsan ha ka yalang pynhiar pyrda wa pynlai da u Wympher Suchiang uwa man leh u President yong kani ka Club.
Ha kani ka yalehke khaddooh da yaleh wow jop ya ka song poisa wa T. 26,000.
Ha ka kylla step ha ka minit wa 26 u Samehi Ryngki da mut u wow yoh u thap kool tangwa neiwa pnah uwa yang kool ka 4 Star u Heiburomwanki Suchiang da ye u wow khanglaad yei thap kool.
Ha ka minit wa 32 won uwa yalehkai yong ka 4 Star u Tyrchain Biam da mut u wow yoh thap tangwa oo leh da khanglaad ya oo wei ka kylla step da kut ko khlem em wa yoh u thap kool.
Ha ka kylla miet ka 4 Star da pynbha ki ya ka yalehke ki wei ha ka 15 minit da yoh wow thap kool da u Niponghi Sumer wei ka 4 Star haka minit wa 33 da yoh biang ko u thap kool da u Pher Syngkon wei da ban sa kawi ka kool ha ka minit wa 35 da ka kool na u Tyrchain Biam.
Ka Rising Star da ye ko wow su du chi kool donhi da ka kool wa thap u Samehi Ryngki ha ka Minit wa 39 kamtæ ka 4 Star da jop ko da 3-1.
Ka 4 Star da yoh ko ya ka song poisa jop wa T. 26,000 katwa ka Rising Star won kam kawa rem da yoh ko T. 16,000.
Yei naam Best Play Maker da rah u Niponghi Sumer, Best Player da yoh da u Tyrchain Biam katwa yei naam Best Goal Keeper da yoh u Heiburomwanki Suchiang.
Discussion about this post