Jowai: Ka Jalaphet Bri Sumer SC da jop ko ya ka Tluh SC da ka yachut Tie-breaker da 4-2, ha ka yakhun Final ka Saipung Block Sports Association (SBSA). Ha kylla step ka Jalaphet Bri Sumer da yoh ko wow pynkhih yaka jaar ha ka minit wa 15 kawa da thap da u Arki Bareh. Ka yalehke da joor ka chong chit wei da yoosuk chooh chooh heiwa haka minit wa 35 ka Tluh SC da yoh ko wow pynkynuiñ yaka kool lyngba u Iowan Malang.
Ha ka kylla miet won ym em wa yoh thap hadooh wa kut ka Extra Time. Kamtæ ka yalehke da poi ko cha ka yachut Tie-breaker heiwa ka Jalaphet Bri Sumer da jop ko da 4-2.
Da ini i jop, ka Jalaphet Bri Sumer daw mihkhmat ko yaka Saipung Block Sports Association (SBSA) cha ka MSL kawa daw pynman ha uni u snem.
Ha kani ka sngi yei naam Player of the Match da yoh u Arki Bareh uwa yalehke ka Jalaphet Bri Sumer, Goalkeeper of the Match da yoh u Chanbor Dkhar uwa yalehke ka Jalaphet Bri Sumer SC, yei naam Player of the Tournament da yoh u Lamphrang Paslein uwa na Jalaphet Bri Sumer.
U kongsan ha kani ka sngi toh u Dawhoi Langstang (SE PWD Jowai), u symbood kongsan u Wom Chyrmang u waheh chnong warim ka Jalaphet Bri Sumer.
Discussion about this post