Ynne ka sngi ka lympung yalehbol wa tip kam ka 1st Wailadmiki Shylla Veterans Football Tournament wa pynman ha madan Jrisaleiñ, Chutwakhu Jowai dapoi ko cha wakut heiwa u President ka Meghalaya Football Association, u Hamletson Dohling da man u kam u kongsan.
Ya kani ka lympung yalehbol da pynman da ka NPP Jowai Block.
Chwa wow sdang ka yalehke Final da em ka yalang heiwa da yoh ya ki kyntien pdiang burom na u General Secretary, u Kmenlangki Dhar.
U Wailadmiki hawa e i klam da ong u wa i daw wa pynman ya kani ka lympung toh wow pynyoo ya ki sap yalehke ki waheh kiwa man leh kam ki nongmuna ya ki khynnah khynroo.
Da pyntip u leh wa ha kani ka lympung ym em u lut poisa u tangwa yei lut i sep da pyndap da kiwa kreh ka Party.
Da pynbna u leh wa ha kani ka lympung ya kiwa jop u yoh ki Rs. 1.50 lak, kiwa yoh wa ar Rs. 1 lak katwa kiwa yoh wa le won Rs. 50,000 chirup wa ki takma wa Trophy.
Neiliang u Hamletson Dohling da ong u wa ka Meghalaya Football Association yaleh ko wow pynku ya ki yalehke Football ha kylleiñ ka jylla.
Da ong u wa ynne sñiawkmen u neibhah wa man ko ka sien wa nyngkong wow sakhi ya ki khloor yalehke warim, deiwa e khublei ya ka NPP Jowai Block wa pynman ko ya kani ka lympung.
Chooh chooh da yaroh u ya u Wailadmiki wa chemphang u deiwa pynrap wa ka Jowai man ko kawa embhah wow yoh MLA kam oo neibhah wa man u uwa khlan wei uwa stat kamjooh uwa daw ku bha ha i man i long yong oo.
Da yooluti u wa ka Party daw ye chooh ko wow pynman kam kini ki lympung ha ki por wa ki snem wow wan.
Chooh chooh da ong u wa ka Ri-loom Jaiñtia da pynmih ko chiboon ki khloor yalehke kiwa da mihkhmat ya ka jylla wot ya ka ri leh waroh kawi deiwa yooluti wa daw ye chooh ko wow rap pynmih boon kam kini ki bru ha ki por wow wan.
Ya ki kyntien khublei da yoh na u Arwotki Shullai uwa man u Secretary ka Tournament Committee.
Ynne ka sngi da em le tylli ki yalehke heiwa ya ka Third Place da jop ka Mission Compound/Loomkyrwiang ya ka Mihmyntdu-A da 5-0.
Ha ka Friendly Match da jop ka Legends 11 ya ka Kdup Dei Maya da 4-1.
Ha ka yakhun Final kawa man wa yoosuk bha, ka Khimusniang da jop ko ya ka Mukhla da 2-1.
Ya ki naam samen da yoh kamni ha wah:
Oldest Player – Carmel Suchiang (63) na Mihmyntdu A
Top Scorer – Charles Sumer na Mukhla
Man of the Match – Donbor Bamon na Khimusniang
Best Goalkeeper- Rimiki Lyngdoh (Mission Compound)
Ya ka sngi da pynphooh da i rwai, i pynyoo sap ha ka bol kamjooh i e sñiawbha ya ki bol cha ki khynnah wa ki paidbah da u Wailadmiki, u Hamletson wa u Khroobok Passah.
Discussion about this post