Shillong: Ka Meghalaya Baby League (MBL) ynne ka sngi da poi ko cha wa kut ha Jawaharlal Nehru Stadium heiwa ka Langsning Greenergy Lions da yoh ko yei naam Overall Champions.
Ka Greenergy Lions da man ko kawa boon Point dooh na ki 12 tylli ki dhab kiwa wan chimbynta ha ka MBL, kawa da pynmman lang ka Tata Trusts, ka Meghalaya Football Association (MFA) wa ka All India Football Federation (AIFF).
Ha ki yalehke Final won yong ki jar jiar ki kyrdan wa da yabah dei rta, ka Nongthymmai GC Scorpions da jop ko ha ka kyrdan 4-5 snem, ka Wahlakhiat Bulls da pynrem ko ya ka Langsning ha ka kyrdan 6-7 snem.
Ka Wahlakhiat da jop ko leh ha ka kyrdan 8-9 snem pyrchah ya ka Kickstart FCC Rhinos katwa ka Greenergy Lions won da jop ko ha ka kyrdan 10-11 snem wa ha ka 12-13 snem deiwa pynrem ya ka Rhinos da 1-0 wa ya ka Bulls da 4-0.
Ha kani ka sngi da saam leh ya ka khusnaam Best Disciplined Team cha ka ENE Falcons, ya ki naam Best Player da yoh u Kyle Ryan Kharkongor ka Langsning Greenergy Lions ha ka kyrdan 4-5 snem, Habankara Blah ka ENE Falcons ha ka kyrdan 6-7 snem, Sashang Gurung ka Touchline NE Cubs ha ka kyrdan 8-9 snem, Banpynshngain Wankhar na Langsning ha ka kyrdan 10-11 snem wa Wansiewdor Nengnong ka Langsning ha ka kyrdan 12-13 snem.
Ha kani ka MBL da pynman pyllat ya 1,300 ki yalehke ha ki 7 bnai heiwa da wan chimbynta 1000 ngut ki khynnah.
Ha kani ka sngi pynhiar pyrda da emlamg u kongsan u Commissioner & Secretary of Sports & Youth Affairs u Peter Dkhar, Tata Trusts’ u Biswanath Sinha, Centre for Microfinance & Livelihood’s u Partho Patwari wa u President ka MFA u Larsing Ming Sawyan.
Ye wow ong wa kani ka MBL man ko ka lympung ki khynnah wa heh dooh hapoh ka ri.
Discussion about this post