Jowai: Ynne ka sngi u President warim ka Jaiñtia Students Union (JSU) u Rikut Parein chirup wa kiwa kyrchaan ya oo hawa yaklam wa kiwa pathai khubor ha Jowai da pyntip u wa daw yakhun u ha ka Election MDC cha ka JHADC na 13 Saphai Constituency.
U Rikut da ong u wa ka thong yong oo wow yakhun ya kani ka Election toh wow chakri hok katwa joh i bor wow yada ya i khyndaw i chyiap, u yada ya ka im ka yap ka jaitbru khamtam ka riti dustur.
Heiyatoh wa ka thong wa hakhmat dooh toh wow pynkhai im biang wei wow wanrah yei chngaaiñ ha ka District Council neibha lada tlot ko (Council) tæ dang duna i bor ko wei daw poi i por wa daw booh ko hei maa ya ka jaitbru.
Heiyatoh wa ka party wow yakhun u, da pyntip u wa da paan u ya ka ticket na ka party Congress.
Kamtæ da kyrpaad u ya ki paidbah ka Constituency wow jied ya oo dei mynsien wa maya ya oo neibhah wa i im i yap ka jaitbru chong i ha ki paidbah (ki wow jied ya uwa mihkhmat yong ki).
Katkam wa man kattæ u Rikut daw yakhun pyrchah u ya u MDC ka Constituency wa katni, u Chanky Lyngdoh wei hapoh kani ka Constituency em hadooh 23 tylli ki chnong.
Discussion about this post