Jowai: Ka yalehke 2nd Division kawa pynlai da ka East Jaiñtia Hills District Football Association (EJHDFA) da poi ko cha wa kut ynnin ka 2 tarik da ka yalehke Final ha madan ka Association, kawa pynman hapyrdi ka Pamra Paithlu SC pyrchah yaka Lumshken SC, heiwa u Dr. Sankey Shangpung, MDC ka Bataw Lakadong Constituency da man u kam u kongsan.
Ha kani ka yakhun Final ya i naam jop da rai da ka yachut Tie-breaker.
Kamtæ haka yachut Tie-breaker ka Lumshken SC da ye ko wow thap 4 tylli ki kool katwa ka Pamra Paithlu SC da ye ko wow thap kool 3 tylli iwa pynjop yaka Lumshken SC.
Kini waroh ar tylli ki dhab da yoh ki leh wow ku kyrdan cha ka 1st Division haka samoi wa bood.
Ha i emlang kiwa yahkhmat ka Association, ki waheh ka thaaiñ, ki paidbah wa kiwa kyrchaan ya ki jar jiar ka liang, u Dr. Sankey Shangpung hei klam yong oo da e yumut u wow rah yaka khubor heiwa ki khon ka District u sñiaw tre ki yaka yalehke League yong ka District wow man kiwa smat wow e mynsien ya kiwa yalehke wa kiwa pynlai, wei du da ini i sñiaw tre, u ye i wow rah chooh chooh yei man khroo yong ka League ka District.
U kongsan da kdaw u leh yei boon ki bru wa em ya i sap ha ki kaam yalehke hapoh ka District wei da kular u wow ya krehlang wa ka Association wa da tipmit wow pynku yaka kaam kaam Sports hapoh ka District.
Discussion about this post