15 49.0138 8.38624 1 0 4000 1 https://wyrta.com 300 0

Sma tung ka sarok NH-6 nei noh masi wa yap kiwa khayi: KSU Narpuh Circle

0 Comments
Advertisement ad1

Jowai: Ka Khasi Students’ Union (KSU) Narpuh Circle wa ki paidbah ka thaaiñ da pynsñiaw ki ya i sñiawsih ya i sma tung ha ki bynta u sarok bah NH-6 ha ki bynta chaneiñ ka Mandir wa cha jan ka Sub-Station yong ka MeECL wa em ha Khlieh Kuliang.

Ki paidbah wa lai wa wan ym neh chah de ki yei sma tung du hawa poi ha kani ka thaw. Hawa pyrchang ka seiñ u kylli neiwon mih i sma tung hadooh kattæ kattæ, ki paidbah da pynbaad ki ya i noh masi kiwa kahyi masi.

Advertisement ad1

Ki paidbah da pyntip ki wa kiwa khayi masi cha Bangladesh hawa jia wa yap masi hapoh kari wa ki kit ki, da noh ki ya ki masi wa da yap cha rood næ cha synrang. Ini da wanrah ko yei sma tung wa da ktah ya i sñiaw ki paidbah neibhah i sma man iwa ym ye chah de, iwa da ktah leh ya i chait i khiah yong ki.

Kiwa lai wa wan leh manda poi ki ha i tai i thaw ym ye de ki wow rin mynsien, wei du kiwa da yoh wow sñiaw ya ini i sma kiwa ye u sñiawthooh hadooh katwon wa joor ini i sma wa sñiaw chyrkhei.

Ka seiñ da kyntu ya kitu kiwa khayi masi wow pyrkhat lang ya ki pli ki paidbah wa lai wa wan wow yait na ini noh roi ya ki masi wei wow tyllep noh ya ki khyndaw.

Ini toh katkam ka kyrwoh na u WD Gympad, Environment Secretary KSU Narpuh Circle.

Advertisement ad1

0 Comments

Leave a Reply