Rah ka Mawkhar A yaka 8th Mylliem Lum Football League Tournament 2019-20 ka MLSA

Shillong: Ka Mawkhar A da rah ko yei naam Champion ka 8th Mylliem Lum Football League Tournament 2019-20, kawa jooh pynman man u snem da ka Mylliem Lum Sports Association (MLSA), hadien wa jop ko yaka Mawkhar B ha ka yakun Final ha ka 18 tarik ha chnong Mawpynthih.

Ka Mawkhar A da rah ko ya kani ka Tournament deiwa jop ya ka Mawkhar B lyngba ka Tie-Breaker da 5-4 kool hadien wa ka yakhun Final hadooh wa kut i por wa da booh da kut noh ko mar 4 kool.

U Hamletson Dohling, MLA ka Mylliem Constituency uwa man leh u montri ka sorkar jylla wa pait ya ka chnat Urban Affairs, uwa ksoh lem kam u Adviser ka MLSA, da wan u wow sakhi lang ya kani ka lympung wei kam chibynta wow pynhaap pyrda ya ka kam u kongsan.

Kiwi de kiwa emlang ha kani ka sngi kynthup ya u Gavin M Mylliem, MLA ka Sohra, u Cliff na ka Shillong Sports Association, u BL Jyndiang, Sales Promoter ka Amrit Cement, kawa da kyrchaan lang ya kani ka lympung yalehke bol, ka A Muktieh, Manager Amrit Cement, ka Marissa Kharwanlang, Sales Manager Amrit.

Related posts

Psiah Quarter sa ka Nongdawah SC ha Wahiajer

November 16, 2024

Psiah Quarter sa ka Sohphoh ha Wahiajer

November 16, 2024

Neitæ u Rangbah Shnong ka Lawsohtun, u Lurshai Shylla, u Secretary Shnong ka Lawsohtun, u Raymond Kharshing, ki bor pynlai chnong na ka thaaiñ Mylliem Lum, kiwa kitkaam ka MLSA, ki khynroo kiwa da chah pynkup burom da ka 1^st Soso Tham Excellency Award ka MLSA kiwa da poi rap chakhmat ha ki kyrdan puræ yong ki wa kiwi kiwi.

Ka Mawkhar A kam kawa jop da yoh ko leh yaka song poisa wa T.55,000 waka Running Trophy katwa ka Mawkhar B da yoh ko yaka song poisa wa T. 25,000. Ha kani ka sngi da saam leh ya ki khusnam kam ka Player of the Match cha u Sanbor Sohtun ka Mawkhar A, Top Scorer yong ka Tournament cha u Bishar Sohtun ka Mawkhar B.

Ka khusnam Best Goalkeeper cha u Kitbok Marbañiang ka Rangbihbih SC, Best Player yong ka Tournament cha u Davidson Sohtun ka Mawkhar A. Ka khusnam Fair Play Team da yoh khur da ka Rangsyuin SC. Kam wow kdaw wa ka liang wa wan wa le ha kani ka lympung toh ka Rangbihbih SC katwa hei wa soo da yoh ka Mawpynthih A.

Ha iwi won i bynta ka MLSA da psiah ko wow chimbynta ha ka lympung yalehke bol ka Shillong Sports Association ha uni u snem wei daw yoh mihkhmat nyngkong ha ka samoi yalehke wow wan, i pynkhreh katni toh yow jied ya kiwa yalehke cha kani ka lympung.