Rah ka Meghalaya ya ka 2nd NECDC Senior Women’s T20 Tournament

Ki kynthai ka Meghalaya da pynyoo ki yei sap i tap yong ki yow pynrem ya ka Sikkim da ar Wicket deiwa sah sa le bol ha ka Over wa khaddooh ka yakhun Final ka 2nd NECDC Senior Women Tournament 2025 kawa da pynman ynne ha Sikkim wei ym em rem ki chisien leh ha kani ka lympung yaleh Cricket.

Ka Sikkim da booh thong ko 114 Run deiwa dooh 4 Wicket, wei hawa kdong yeini, ka Meghalaya da yoh ko 115/8 ha ka 19.3 Over heiwa ya ka Run wa pynjop da dat da ka Riticia Nongbet. 

ADVERTISEMENT

Ya ka Meghalaya da lehbha da ka Debasmita Dutta kawa da lehbha nadooh wa sdang kani ka Tournament wei da yoh kyrchaan ko na ka Wicketkeeper, ka Monica L Phawa. Ka Debasmita da kamai ko 35 Run na ki 41 bol deiwa dat soo tylli ki soo Run katwa ka Monica da yoh ko 37 Run na ki 28 bol wa kynthup ya 3 tylli ki soo Run wa kawi ka ynru Run. 

Ka Debasmita da haap ko ha ka bol wa khaddooh ka 18 Over deiwa emkaam ka Meghalaya 11 Run yow jop na ki 2 Over, wei da sah da kiwa Bat cha tre yow pyndep yei kaam. 

Related posts

Da sdang ya ka Namdong Sports Association

October 20, 2026

Da ka yalehke hapyrdi ka Mawlai SC wa ka RSD FC u sdang ka Gold Cup | Da khut sñiawbha ya phi waroh

October 20, 2026

Ka Meghalaya da yoh 5 Run ha ka Over wa 19 wei da emkaam sa 6 Run ha ka Over wa khaddooh. Ka Deimaphisha Lamare da yoh ko ar Run ha ka bol wa nyngkong tangwa da haap ko da ka LBW ha ka bol wa bood. Kamtæ da emkaam soo 4 Run na 4 bol yow jop wei da Bat da ka Riticia kawa da dat da ka soo Run ya ka Full Toss wa kawang ka Mariam Subba yow pynjop syndon. 

Ka Monica L Phawa da yoh ko yei naam Player of the Final katwa ka Primula Chettri na ka Sikkim da yoh ko yei naam Player of the Tournament wa Top Wicket-Taker. Ka Samayita Roy Prodhan na ka Sikkim da yoh ko yei naam Top Scorer.