Ka seiñ KSU-Shangpung Unit hei yahkhmat u President, u Phrangki Papang wa u General Secretary, u Sowatki Law deilang wa ki dkhot da lai yachem ki wa u Regional Manager yong ka Meghalaya Rural Bank ha Shillong, u Rana A. Lyngdoh neidaw wym em kiwa kreh da ki jaitbru yong i hapoh ka Meghalaya Rural Bank, Shangpung Branch.
Ini da wanrah ko yei eh ya ki paidbah kiwa wan emkaam cha kani ka Bank neibhah ki paidbah toh ki wym sñiawthooh Hindi wei da chem chitom wow yaklam wa kini kiwa kreh.
Kamtæ neiliang u Regional Manager da kular u wow chimkhia yeini ha kini ki kajiak sngi yow phah da kiwa kreh kiwa napoh Khasi wa Jaiñtia Hills yow pynlai ya kani ka Bank kiwa tip leh u klam da i ktein wa sñiawthoohlang yow pynsuk ya ki paidbah kiwa chong chnong ka thaaiñ.
Discussion about this post