Ka 2nd Division Football Tournament 2022 kawa tip leh kam ka 5th Debo Shullai Memorial Trophy wa pynman da ka West Jaiñtia Hills District Sports Association (WJDSA), ynne da poi ko cha wakut da ka yakhun Final hapyrdi ka Khliehiongriang waka Mookyndur wa da wan sakhi da u Sanbor Shullai, Montri ka chnat Art & Culture.
Ya kani ka yakhun Final da rah da ka Mookyndur da 1-0 lyngba ka kool wa thap da u Nehlang Phawa ha ka minit wa 4 uwa da yoh leh yei naam Man of the Match.
Ha kani ka sngi da saam leh yei naam Top Scorer wa da yoh da u Jomsing Pariat (Mookyndur SC) wa u Ebanskhem Nongtdeh (Iawmulong Nartiang).
Yei naam Player of the Tournament da yoh da u P. Suting (Mookyndur SC) katwa yei naam Best Goalkeeper da yoh da u Rimi Dkhar (Khliehiongriang SC).
Ka Mookyndur kam ka Champion da yoh ko leh ya ka song poisa kawa T. 24,000 katwa ka Khliehiongriang da yoh ko T. 12,000 deilang wa ki Trophy.
