Ka 1st Cricket Tournament yong ka Mukhla Raij Sports Club dapoi ko cha i bynta wakut ynne ka sngi ha Madan yalehbol ha Mukhla Nongrim, heiwa da wan wow chimbynta hadooh 16 tylli ki Sports Club nadooh wa sdang.
Ka yakhun Final ynne ka sngi da pynman hapyrdi ka Mukhla Nongrim Sports Club pyrchah ya ka Combine Brothers Khliehtyrshi Sports Club, heiwa hawa kut, ka Mukhla Nongrim Sports Club da yoh ko yei jop.
Ya kani ka sngi da wan wow pynhaap pyrda da u Jame Kharmuti kam u kongsan heiwa da chimbynta leh u MLA ka thaaiñ u Wailadmiki Shylla kam uwa yalehke ka Mukhla Nongrim Sports Club.
Da wan wow sakhi lang leh da u President ka Mukhla Raij Sports Club u Hamran Shylla, u Wanbha Lyngdoh uwa man kam u Langdoh Niam ka Seiñ Raij Mukhla.
Kani ka lympung yaleh Cricket da man ko leh ka sien wa nyngkong wa ka Mukhla Raij Sports Club da pynman ko ya kam kani ka Tournament, deiwa booh thong leh wow pynman chooh chooh ya kam kini ki Tournament neini chakhmat.
