15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Rah ka Nongkyndong FC ya ka Imperial Blue Super 5: Five Aside Football Tournament, 2018

0 Comments

Jowai: Ka lympung yalehke football wa tip kam ka Imperial Blue Super 5: Five Aside Football Tournament, 2018 wa da pynman da ka Vivid Shillong wa ka Imperial Blue ynnin ka sngi da poi noh ko chawa kut ha Madan Iewrynghep, Shillong.

Ha ki yakhun ynnin haka Round 4, ka Friends United Mawlai Mawroh da jop ko ya ka Spartan (Mawpat III) da 3-2.

Ka Precious FC da jop ko ya ka Forever Living da 8-1.

Ka Nongkyndong FC da jop ko ya ka la Masia da 4-1.

Ka Minions A da jop ko ya ka Friends United Umlyngka da 2-1.

Ha ka Round 5 nawon ka Ialeh Ban Thep pyrchah ya ka SAC B,  ka Seven Stars Smit pyrchah ya ka Suchen B wa ka Friends United pyrchah ya ka Precious FC da man ki kiwa ya drawn heiwa da pynman da ka yachut Tie Breaker heiwa da jop noh ka Ialeh Ban Thep, Seven Stars Smit wa Precious FC.

Katwa ha ka jooh hi ka Round ka War Jaiñtia da jop ko ya ka Pioneer FC da 4- 1 wei ka Nongkyndong FC nawon da jop ko ya ka Minions A da 4- 2.

Ha ka yakhun Final wow rah ya ka song poisa wa T. 40,000 ka Precious FC wa ka Nongkyndong FC da rai jop ko ya ka Nongkyndong FC da 5-1, heiwa u Robert Khongjoh uwa yalehke yong ka Nongkyndong FC da thap u hadooh 21 tylli ki kool neibynta ka Nongkyndong FC wei da yoh u leh yei naam Top Scorer.

Yei naam Third Place da yoh ka War Jaiñtia, Best Goal Keeper- u Maitshaphrang Kharumnuid, Best Player u Mahesh Naorem na ka Precious FC wa yei naam Runners Up of Freestyle Competition da yoh u Wanmiki Kharumnuid.

Share this:
Previous

Hadooh 200 tylli ki tre dieñ thung ka ABVP Jowai Unit ha Phramer, WJH

Next

Khlaad ar ngut ha ki ar thaw wa tyrrah kari ha EJH