Ka khloor yalehke Badminton ka ri, ka PV Sindhu ynne ka sngi da rah ko ya i naam jop ha ka lympung Singapore Open 2022 deiwa pynrem ya ka Wang Zhi Yi na ka ri China.
Ha ka yakhun Final ynne ka sngi ka Sindu da yoh ko 21-9, 11-21, 21-15.
ADVERTISEMENT
Ka PV Sindhu toh kawa 27 snem i rta na sorbah Hyderabad, Andhra Pradesh wei da jooh yoh takma ko ha ki Olympics, kiwa kynthup ya ka takma rupa ha u 2016 ha Rio de Janeiro wa ka takma tama ha u 2020 ha Tokyo.
Neiliang u montri rangbahdooh ka ri, u Narendra Modi da ekhublei u ya ka Sindhu hadien wa da jop ko ya kani ka lympung.
