U Lat ka jylla West Bengal, u Jagdeep Dhankhar daw man u kam u kyrtong ka National Democratic Alliance (NDA) cha ka chuki Vice President ka ri heiwa ya kani ka Election daw pynman ha ka 6 Naisaphra.
Ya i pyrtuid u Jagdeep Dhankar da pynbna da u khlieh ka Bharatiya Janata Party (BJP), u J.P. Nadda hadien wa kut ka yalang ka party ynnin ka 16 tarik.
Ka Election Commission of India da pynmih hukum ko ha ka 5 tarik uni u bnai heiwaa ka Election Vice President ka ri u man ko ha ka 6 Naisaphra wei ye u thap pyrtuid ki kyrtong hadooh ka 19 tarik uni u nai.
Kam wow kdaw heini wa ka samoi krehkaam u Vice President ka ri, u M. Venkaiah Naidu u kut noh ko ha ka 10 Naisaphra.
Ka election cha ka chuki President ka ri u man ko mynstep ka 18 tarik hapyrdi ka kyrtong ka NDA, ka Draupadi Murmu wa u Yashwant Sinha u kyrtong ka liang pyrchah.
