Shillong: Ka Sookini Sutnga kawa na chnong Sutnga, East Jaiñtia Hills ynnin ka miet da jop ko ya i naam Miss Cherry Blossom 2017 kawa man kam chibynta ka Cherry Blossom Festival wa pynman ha Polo, Shillong.
Ha kani ka yakop miat kynthai da wan chimbynta kamwa 20 ngut na kylleiñ ka jylla heiwa ka Sookini da man ko kawa jop hadien ar kylla wa tip kam ka Casual wa Formal Round wei da jop ko leh ya ka song poisa wa T. 30,000.
Ya kani ka Miss Cherry Blossom da wan sakhi leh da u Montri Rangbah ka jylla u Dr. Mukul Sangma kam u kongsan.
Ka Sookini toh kawa kreh kam ka Nurse ha CHC Sutnga East Jaintia wei da pyndep ko ya i puræ na Chennai.
Ka Sookini toh ka khon ka kong Wailadme Sutnga.
Kam wow pynkynmoo ka Sookini leh da chimbynta ko ha ka Sunsilk Mega Miss Northeast 2017 wei da jop ko ya i naam Miss Popular.
Also Read: Yoh ka Sookini yei naam Miss Popular ha ka Sunsilk Mega Miss North East 2017
Discussion about this post