U President ka USA, u Donald Trump da pyntikna u wa lai dat Bomb ya ka ri Venezuela wei da rahbor ya u President ko, u Nicolas Maduro deilang ka kurim u wei da kit ya ki cha baar ka ri ki.
U Vice President ka Venezuela, u Delcy Rodriguez da ong u wa ymtip ki cheiwon em u President ki kamjooh ka kurim u wei da dawa wow pynyoo toh wa dang im ki.
Chwa ini, ynne i step synyaaw da mih ki khubor wa em boon ki Bomb wa pdung ha ka nongbah ka ri Venezuela kawa tip kam ka Caracas wa kiwi ki thaw nadooh ki thaw sangeh jhad, ka Airport wei em leh kiwa da ong wa chah dat Bomb ki thaw pynmih phniang kani ka ri kamjooh ki thaw ki chipai.
Ka sorkar ka Venezuela da ong ko wa ini iwa leh ka USA toh yow knieh yei phniang ka ri wa kiwi ki mar yong ki wei ym e laad wow leh ko yeini.
Ka USA ini wa dep da pyrchang ko leh wow khang ya ki jhad wa kit phniang na Venezuela wei da siat ko leh ya ki lieñ kiwa suba toh kiwa khayi drugs.
Da pynbaad ko leh ya u Nicolas Maduro wa phah chynnam ki yei drugs cha ka USA wei dadep dawa leh wow hiar chuki u.
Ini i leh ka USA man ko leh kam chibynta wow e laad da kiwa em ha ka liang pyrchah ka Venezuela yow chim yei bor synchaar.
Discussion about this post