New Delhi: Ka Cabinet Committee on Economic Affairs, wa khlieh da u montri rangbahdooh ka ri u Narendra Modi da mynjur u wow pynheh wow pynthymme ya ki le tylli ki Airport Terminal ha Chennai, Guwahati wa Lucknow heidor T. 2467 Klur, T.1383 Klur wa T. 1232 Klur.
Lucknow Airport: U chna ya ka New Integrated Terminal kawa heh 88,000 Sqm kawa yabi lang waka Airport wa da em chwa kawa heh 16292 Sqm wei ha ka chi snem ye ko u pdiang ya 2.6 Million kiwa wan na baar ri wa 11 Million kiwa napoh ka ri. Ka Terminal thymme toh ka wow ye u pynbiang yeiwa antaad i ku i wan ki paidbah hadoooh u snem 2030-31.
Chennai Airport: Ka Terminal thymme wa kynthup ya kawa da em chwa katni wa 197000 Sqm u pynku cha ka 336000 Sqm kawa ye u pdiang 35 million ngut ki bru ha ka chisnem. Ha kani ka Terminal wa thymme u pynemkaam ko i stat sayan wa katni deiwa pyrkhat ya ka rymaw wei i thmu toh wow yoh ko yei naam GRIHA-4 Star rating. Kani ka Terminal wa thymme u chna deiwa pyrkhat yei boon bru hadoh u snem 2026-27.
Guwahati Airport: Ka Terminal wa thymme u heh ko hadooh 102500 Sqm wei deilang waka Terminal wa rim u ye ko u pdiang 9 million ngut ki bru chi snem. Kani ka Terminal wa thymme da pynheh katkam wa emkaam hadooh u snem 2026-27 wei kamjooh wow pynchlur ya ki kaam uiñke suwari cha ki thaiñ mihsngi kawa man leh katkam ka ‘Act East’ Policy ka ri India.
Discussion about this post