Jowai: Ha ka khubor kawa da phah da u Lieh Sungoh na Mynsngat, da ong wa hanlada ka Election cha ka yung dorbar yong ka Jaiñtia Hills Autonomous District Council ympu em pynbna da ka sorkar mynnu u man ko tangwa ka Dorbar Chnong Mynsngat kawa pynman ha kani ka 16 tarik uni u bnai ka da rai wow kyrchaan ya u Pheinshwa Langlein u MDC wa katni kam u kyrtong MDC ha kani ka Election MDC ka wa daw man ha u snem 2019.
U Pheinshwa Langlein, hawa klam ynne ka sngi da pynsñiaw u yei sñiawngooh ya ka Dorbar Chnong Mynsngat wa da kyrchaan ki doh wa mynsien ya oo ha kini ka san snem kiwa dadep wei dang pynkmen chooh chooh ya oo hawa da yoh ya kani ka kyrchaan yong ka chnong sa ha kani ka Election MDC wow wan.
Ha i jooh i por ha ka khubor kawa da phah da u Lieh Sungoh da ong wa neiliang u Langlein (MDC) da e u ya ka bui krehkaam kyllum yong oo kam u MDC ha kini ki san snem wa da man u kam u MDC, wa da pynemkaam hok cha ki paidbah ya waroh ki Grant MDC kiwa oo da yoh u na ka District Council wei kani ka pynemkaam hok yong oo ya ki Grant kiwa da yoh ki paidbah chong chnong yong ka Constituency, da pynkmen ko ya kiwa chong chnong ka Mynsngat wa ya kiwa chong chnong yong ka Constituency hi waroh kawi, pynkut ka khubor kawa da phah da u Lieh Sungoh na Mynsngat, West Jaintia Hills District.
Discussion about this post