Ka Defense Acquisition Council ya kawa da chongknor (Chairman) u montri kaam yada ri, u Rajnath Singh ynne da pdiang ko ya ka song poisa (Capital) neibynta u thied ya ki tiar yaleh ki chipai (Indian Armed Forces) kawa kynjoh T. 2,290 klur.
Kini ki tiar toh kiwa da chna hapoh ka ri kamjooh leh kiwa na baar ri.
Hapoh ka Buy Indian (IDDM), ka DAC da pdiang ko wow thied ya ki Static HF Tans-receiver Sets wa ki Smart Anti Airfield Weapon (SAAW).
Kini ki HF Radio Sets daw yarap ko wow yaklam namo phah kyntien (Communication) hapyrdi ki Field Unit ka Army wa Air Force wei daw chongdor ki kamwa T. 540 klur.
Ki Smart Anti Airfield Weapon toh kiwa chongdor T. 970 klur daw yarap ki ya ki tiar siat ka Navy wa Airforce.
Chooh chooh wow pynkhklan ya ki chipai wa haphrang dooh (Frontline Troops) yong ka Army, ka DAC da rai ko wow thied ya ki SIG SAUER Assault Rifles heidor wa T. 780 klur.
