Jowai: Ka Dorbar Chnong Pyllun Lapangap ynne da pynman ki ya ka dorbar wa kyrpang dei emlang ki manbei manpa, khynroo khyllood ka chnong kiwa da wan da ka-it mynsien.
Ya kani ka yalang da pynlai da u Waheh Chnong Pyllun u Tomy Lyngdoh hei emlang ki dkhot chnong waroh wei hei klam u Tomy da yaroh u ya u Pyrkhat wa da man leh u bru u wa da noh synniang chiboon cha ka imlang sahlang khamtam cha kani ka thaaiñ khappood Assam wa ka Meghalaya.
U Pyrkhat da jooh man u leh kam u General Secretary NCP Nartiang Block ha u snem 2008, katni won man u kam u Joint Secretary ka NPP Nartiang Block, chooh-chooh da man u kam u Vice Chairman ka Peace Committee Pnar-Karbi.
Hei klam u Pyrkhat, da e khublei u ya ki paaid wa chong chnong wa chimkhia ki u wan cha kani ka Dorbar wei da khana u ya ka thong ka yong oo wada kwah u wow man kam uwa yahkhmat wow wanrah yei kaam pynroi ha ka thaaiñ. Khamtam hawa kyruin cha u sarok, umbaam umdih, wa kiwi kiwi, da ong biang u wa jooh smat u wow wan hawa em i khajia cha khappood han lym ye u yaleh waka sorkar Assam leh kat i bor pyrchang bait u wow yakhun neibynta ka hok yong ki Pnar.
Hachwa u pynkut u yei klam yong oo da kyrpaad u ya ki paidbah wow man ki kiwa tylli khnang yow poi cha ka thong kamwa ki da angnood ki u yoh da u bru wa biang i pyrkhat pyrdaiñ ya kiwa dooh wa duk.
Discussion about this post