U Lamphang ka Yung Dorbar Chna Aiñ ka jylla, u Metbah Lyngdoh da pyntip u wa ka Meghalaya Legislator Forum on HIV/AIDS da yoh ko yei tyrwa na ka Meghalaya Aids Control Society (MACS) heiyatoh wow pynpoi marbaam cha kiwa chah ktah ha u khñiang kjut HIV hapoh ka jylla.
Katkam wa man katni da em kamwa 202 ngut ki khynnah kiwa chah ktah ha u HIV, wei ka Forum da ekti ko ha u Lamphang wow leh yeiwa emkaam wow pynpoi marbaam cha kini ki khynnah.
Chooh chooh da pyntip u wa em kamwa 1574 ngut kiwa chong chnong ka jylla kiwa chah ktah ha u HIV, wei neiliang ka Forum da rai ko wow pynpoi ya ki mar baam iwa tei ya i doh i pran yong ki.
Kamwa man hi katni da tyrwa wow e mar baam man la ka 3 bnai cha ki khynnah kiwa chah ktah ha uni u khñiang kjut HIV.
