Ka National People’s Party (NPP) ha ka Digital Conclave ka Party, ynne da chim ko ya ka rai wow yakhun yei chah lehbeiñ ki bru na ka thaaiñ mihsngi ha kylleiñ ka ri wei ha kani ka yalang da chimbynta da kiwa kitkaam ka Party na kylleiñ ka ri.
Ha kani ka yalang “Digital Conclave” da chimbynta da u National President ka Party, u Conrad K. Sangma, ki National Secretary wa kynthup ya u James K. Sangma, Mutchu Mithi, Dr. Lalrintluanga Jahau, Sashank Ghatraj, Thomas Sangma wa ki President ka Party na Assam, Arunachal Pradesh, Nagaland wa na Mizoram.
U Conrad hawa e yei klam da pdiang sñiawbha u ya ki dkhot wa thymme na North Bengal wei da e khublei u leh ya u MP ka Rajya Sabha na Meghalaya, u Dr. W.R. Kharlukhi, uwa da chimbynta ha kani ka yalang lyngba ka Video Conference.
Da ong u leh wa ka NPP da kylla bha ko wei ini i kylla man i katkam wa yah i por wow poi cha ki paidbah wei wow pyndap yeiwa angnood ki.
Chooh chooh da ong u wa ha ki 6 snem wa da sdang ya ka NPP da yoh ko yei kyrdan kam ka National Party, heiwa kiwi ki seiñ dang chem chitom bha ki wei ini man ym du wow sñiawsarong tangwa pynyoo i leh wa ka Party da pdiang ya ka da ki paidbah.
Khaddooh da kyntu u ya waroh wow kreh neibynta ka wow yada ya ka rymaw wei wow pynneh pynsah ya ka.
