Ka sorkar jylla Delhi ha uni u snem leh da rai ko wow khang wow pynlang, u dai wei wow thang ya ki bomkala ha ka lehkmen Thang Charak namo ka Diwali.
Neiliang u montri rangbah ka Delhi, u Arvind Kejriwal da ong u wa da chim ya ini i rai hadien wa yoo ya i man i long ka la’ær talawiar ka nongbah ha ki le snem wa da lai hadien wa kut ka Diwali.
Da kyntu u leh ya kiwa dai dukan wymtoh u pynlang (Stock) ya ki bomkala.
Neiliang u Montri ka chnat Environment u Gopal Rai da ong u leh wa ka National Green Tribunal da rai ko wow khang waroh i pynemkaam næ thang bomkala khamtam ha ini i por wa em ka khlam COVID neibhah wa daw man bih ka la’ær.
Ka NGT da khang ko wow thang bomkala nadooh ka 9 hadooh 30 Khonchonglad ha talawiar ka nongbah ka ri namo ka National Capital Region neibhah wa da sih ware ka la’ær.
