Rai ka sorkar wow pynkrehkaam yaka Policy i hok puræ puthi, ka Sports Policy wa kiwi kiwi

Tura: Ka yalang ka dhab ki montri ka sorkar jylla namo ka Cabinet ynne da pynman ya ka ha Tura kawa man leh ka sien wa nyngkong wa da pynman cha baar ka nongbah Shillong.

Ha kani ka yalang da yaklam hajrong ka phang wa kynthup ya ka Amendment of Meghalaya Right of Children to Free and Compulsory Education Rules 2011 wow pynman ya ka katkam ki kyndon ka Right to Education kawa man ka aiñ yong ka sorkar pyrdi wei ka sorkar da pdiang ko wow pynkylla noh ya ka Meghalaya Right of Children to Free and Compulsory Education 2011.

Da rai wow pynkylla leh ya ka Meghalaya Community Participation and Public Services Social Audit Services Rules 2017 yong ka chnat C&RD.

Ki montri da rai ki leh wa lyngba ka Programme Implementation Department wow booddien ya i kreh ki chnat sorkar ha waroh ki District heiwa da rai wa uwi u montri u pait u ya kawi ka District neibynta chi snem wow booddien ya ki kaam wa leh ki chnat deiwa pynman ya ki Departmental Review Meeting wa ki khlieh ki District.

Related posts

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Pdiang ka sorkar yei pynche u Sniawbhalang, ki wym hun ye ki wow lai tih chooh: Prestone

May 21, 2025

Heiyatoh wa ki bynta wa yatoh wa i jhep wa da tyrwa da ka Urban Affairs Department ka wow tip kam ka Solid Waste Management Policy da rai wow pynkrehkaam noh ya ka.

Chooh chooh hajrong i tyrwa na ka Commerce & Industry Department hajrong ka Meghalaya Start up Policy 2018 da rai wow pdiang ya ka wei wow yarap ya kiwa seiñ khih hapoh jylla kamjooh leh hajrong ka Meghalaya State Sports Policy 2018 da rai wow pynkrehkaam noh ya ka.