Rai ka sorkar wow pynku ya ka poisa wow e cha kiwa khlaad hapyrdi i yaleh wa ki seiñ keiñ suloi

Shillong: Ha ka yalang ka dhab ki montri (State Cabinet) ynne ka sngi da chim ya ka rai yow pynku ya ka bai su Ex-Gratia namo ka su cha kiwa ha yung ha sem kiwa man kam kiwa kreh ka sorkar nadooh ki pulit wa kiwi kiwi kiwa da dooh yei mynsien yong ki ha ki seiñ kieñ suloi.

U montri ka kaam pohyung u James Sangma hawa yaklam u wa kiwa pathai khubor ynne ka sngi hadien wa kut ka yachem ki montri da ong u wa kani ka scheme toh kawa dadep pynkrehkaam nadooh u snem 2012 wei katni da pynkylla da pynmiat noh ya ka.

U James da pyntip u wa kiwa em hapoh ka Central Armed Police Force, ki State Police wa kiwa kreh hapoh ka Home Guard kiwa khlaad ha i por wa kreh ki em ki ka hok wow yoh ya kani ka myntoi na kani ka Scheme.

Da ong u wa ka su Ex-gratia ya kiwa kreh pulit wa kiwi kiwi kiwa dooh yei mynsien da pynku cha ka T. 15 lak na ka T. 7.5 lak wei kiwa mynsoo won da pynku na ka T. 1 lak cha ka T. 5 lak.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Katwa ya ki bru paidbah kiwa khlaad ha i jia wa ki seiñ kieñ suloi u yoh ki T. 2 lak na ka sorkar jylla.

Ha iwi tawon i liang da pyntip wa da chim ya ka rai wow thung ar ngut ki Lower Division Assistant ha ka Directorate of Information Technology and Communication lyngba ka Departmental Selection Committee ka wow man chipor namo ka “Contractual Basis”.

“Neidaw wa emkaam jhan u em kini kiwa kreh LDA, da emkaam wow mynjur wa kyrpang na ka Cabinet ya kani ka chnat wei u thung ya ki da ka Contractual Basis namo ka kreh kawa chipor ya ka wow pynthymme katkam i emkaam,” ong u James.

“Ini i leh toh katwa ym pu ye u pynmih ya kani ka kreh lyngba ka MPSC,” da ong u Sangma.