Shillong: Ka sorkar jylla ynnne ka sngi da mynjur ko ya ki rai neibynta wow pynbha chooh chooh ki krehkaam ha ka chnat wa pait ya kiwa mylla (Labour Dept.) wei ha ka chnat wa pait ya ka rep ka riang (Agriculture).
U Prestone Tynsong da ong u wa ka sorkar ynne ka sngi ha ka yalang yong ki montri da mynjur wow wanrah i pynkylla ha ka Meghalaya Labour Law Amendment Bill, 2020 deiwa pynkylla leh ya ki kattu katni ki kyndon yong ka Factories Act, 1948, ka Industries Disputes Act, 1947 wa ka Contract Labour Act, 1970.
Da pyntip u wa ka sorkar da mynjur ko wow pynkylla noh ya ka Agriculture Marketing Act, 1980, deiwa ong wa kani ka rai toh katkam i kyntu yong ka sorkar pyrdi wow paitbniah biang ya kani ka aiñ neibynta i myntoi yong ki warep.
U Prestone da ong u wa ka sorkar da chim ko ya kani ka rai wow pdiang ya i tyrwa wow pynkylla neibynta wow pynboon chooh chooh ya ki yaw deilang wa i yong ka sorkar, neibhah kamwa man kattæ, ka jylla em ko du ar tylli ki yaw dailang, kawi ha Garobada, West Garo Hills wa kawi won ha Mawïong, East Khasi Hills.
U montri da ong u wa ini i pynkylla ha kitai ki aiñ daw wanrah ha kani ka dorbar mang poisa ka wow man ha ka 20, 21 wa 22 tarik uni u bnai.
Discussion about this post