Rai ka sorkar wow thung da ka takit wa laitlooid wow chemdien ya kiwa jia nadooh wa khang ka NGT ya u mooyong

Shillong: Ka sorkar Meghalaya ynne ka sngi da chim ko ya ka rai wow pynman da ka takit wa laitlooid hei yatoh i chah pynmynsoo ya ka Agnes Kharshiing wa ya ka lok ko ka Amita Sangma.

Ya kani ka rai da chim ha ka yalang ka dhab ki montri (Cabinet) kawa pynman ynne ka sngi ha State Secretariat.

Ya ini i dawa wow pynman ya ka takit wa laitlooid da wan ko leh na ka liang pyrchah wa yahkhmat da ka Congress kamjooh napoh ka sorkar.

U montri ka kaam poh yung u James K Sangma hawa yaklam wa kiwa pathai khubor da khana u wa ya ki kyndon ka takit wei kamjooh ki bru wa daw pynman ya ka takit u thung da ka sorkar wa ka Law Department.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

“I sñiawkhia i yei rikom man ka kaam wa katni kamtæ da chim ya ka rai wow booh da ka takit wa laitlooid,” da ong u James.

Da ong u wa kani ka takit ym du yeiwa jia ya ka Agnes tangwa u man ko ka takit wow sñiawthooh ya iwa sdang wa kiwa da jia nadooh wa khang ka National Green Tribunal (NGT) wo tih mooyong hapoh ka jylla nadooh u Naitung (April) 2014.

“I kwah i wa kani ka takit u man ko kawa bniah yow sñiawthooh lut ya waroh i jait iwa da jia hadooh katni,” da ong u James.”