Jowai: Ynnin ka sngi hawa yaklam wa kiwa kitkaam ka UDP 4-Mowkaiaw Constituency wa kynthup u President Eleazer C Dkhar, u General Secretary Onyx Suchiang, Asst Secretary Deovolente wa kiwi, da khana ki wa u sitting MDC yong ka 13 Saphai Constituency u Chanky Lyngdoh ha kani ka kynti wym em hok de u wow yoh ticket naka party (UDP) neibhah ya oo ka party da dep chim ko ka rai wow beh chipor (suspend) nadooh u Naiynru yong uni u snem neidaw i pyrchah party yong oo haka Election MLA wa dep.
Neiliang kini kiwa yahkhmat da khana ki wa kamwa man kattæ naka 13 Saphai Constituency em 3 ngut kiwa paan tiket neibynta u yakhun ya ka election MDC natlor u sitting MDC u Chanky Lyngdoh, tangwa da ong wa kamwa ka party da chim ko ka rai haka General Meeting deilang ka sur u paidbah wow suspend ya oo kamwa 3 snem pura kamtæ ym em hok de u wow yoh ya ka ticket ha kani ka kynti.
Chooh chooh da ong wa i pyrchah party yong oo toh wa haka Election MLA wa dep, da lai kyrchaan u ya u kyrtong ka BJP u Robinus Syngkon uwa man leh u MLA warim ka 4-Mowkaiaw hapyrdi wa dang man u kam u MDC ka UDP. Kamtæ neini i daw da pynman ya ka party wow dap ko dei mynsien wa sñiawsih.
Hei yatoh neibynta wow jied ya ki kyrtong ka party haki 4 tylli ki Constituency wa haap hapoh ka 4- Mowkaiaw, u Eleazer C Dkhar da khana u wa dadep thung ya jar jiar ki Circle ha man ki Constituency ki wow ap wow sñiaw yei sur u paidbah wei ha uwa ki paidbah ka thaaiñ sñiaw poi thong ki wow jop, u e leh ya ka ticket ha oo.
Heijooh i por da khana u wa neibynta ki 2 tylli chwa ki Constituency wa kynthup ka Sahsniang waka Barato ye u man wa pyn ha ka tayaw wow wan u pynbna noh ya ki kyrtong.
Discussion about this post