Ynne ka sngi da pynman ya ka Deputy Commissioner Level Joint Border Meeting hapyrdi u DC ka West Jaiñtia Hills wa ka West Karbi Anglong wei ya kani ka yalang hapyrdi kini ki ar DC da pynman ha Conference Room ka yung krehkaam Soil and Water Conservation Office, Jowai.
Ya ka West Jaiñtia Hills da yahkhmat da u LSN Dykes, Deputy Commissioner, West Jaiñta Hills chirup wa u Superintendent of Police u B. Marak, u Additional Deputy Commissioner, u J. Kynjing, ki Border Magistrate wa kynthup ya ka B. Blah kawa man ka BDO ka Thadlaskein wa u Dr. B Langbang uwa man kam u BDO ka Laskein katwa ya ka West Karbi Anglong won da yahkhmat da u Sayed Isfaqur Rahman uwa man kam u DC ka West Karbi Anglong Hamren District, ka Superintendent of Police ka Ramandeep Kaur, u Additional Deputy Commissioner, Border Magistrate, West Karbi Anglong u Robert Tuelo wa kiwi kiwi.
Hadien ka yalang hawa yaklam wa kiwa pathai khubor, neiliang u Garod LSN Dykes, da pyntip u wa kani ka yalang da rai wow pynchlur ya ka Community Level Meeting namo ka yalang hapyrdi ki dorbar chnong yong ki ar liang u pood (na Assam wa Meghalaya) kiwa em ha khappood.
Da rai leh wow pynneh ya ki rai wa dadep yong ki DC wa da pynman ha ki por wa dadep wow chah yei wanrah ya ki kaam pynroi ha ki thaw khappood neibhah i kajai pood ymtoh u pynthut i ya ki kaam pynroi neibhah wa man i leh i hok ki bru.
Chooh chooh da pyntip wa da rai leh wow sdang pynchlur ya i khayi hapyrdi ki chnong khappood wow chah ya ki wow dai ya ki mar wa pynmih ki.
