Ynne ka sngi da pynman ya ka yalang hapyrdi ki sorkar ka Meghalaya wa Assam ha ktem ka Assam Police heiwa da yaklam hajrong ki phang wa yatoh wa ka Lapangap.
Ya ka yalang da phah pynman da ki Chief Minister ki ar jylla wow rai yow wanrah biang yei chongsuk.
Ya ka Meghalaya da mihkhmat da u Sniawbhalang Dhar, Deputy Chief Minister; u Frederick R. Kharkongor, Principal Secretary; u Cyril V. Diengdoh, Commissioner & Secretary; u Garod L.S.N. Dykes, Secretary; u Thombor Shiwat, Chief Executive Member ka Jaiñtia Hills Autonomous District Council (JHADC); u Abhinav K Singh, Deputy Commissioner ka West Jaiñtia Hills District; u Jagpal Singh Dhanoa, Superintendent of Police ka West Jaiñtia Hills District wa ki waheh na Lapangap.
Ya ka Assam da mihkhmat da u Dr. Tuliram Ronghang, MLA uwa man leh u Chief Executive Member, ka Karbi Anglong Autonomous Council (KAAC); u Amarsing Tisso, Member of Parliament; u Ajay Kumar Tiwari, Additional Chief Secretary (Home & Political); u Surjya Rongphar, MLA wa Executive Member, KAAC; u Lunsing Teron, MLA wa Executive Member, KAAC; u Habbey Teron, MLA; u Niso Terangpi, MLA; u Avijit Kro, Deputy Speaker, KAAC; u Headsing Rongphar, Member of Autonomous Council, KAAC; ka Preeti Kumari, Deputy Commissioner ka West Karbi Anglong wa u Dinesh Kumar, Superintendent of Police ka West Karbi Anglong.
Ha ka yalang da rai kamni ha wah:
1. Ki Lapangap u pteiñ ki wow rep ha Pynthor nadooh mynstep ka sngi.
2. Ki Tahpat u rep ladaw, satrooiñ, sy’iñ ki ha loom wa chariñ (harood hali).
3. Heiyatoh wa u pood daw yaklam da ki sorkar jylla.
4. Ki ar liang u pynneh ki yei chongsuk.
Kam wow kdaw heini ha ka yalang wa pynman ha ka 18 tarik u May 2026, wa khut da u Deputy Commissioner wa Superintendent of Police ka West Jaintia Hills District, da sepai ko neidaw wym ye u rai heiyatoh wa ki mar rep wo ye u rep ha kini ki thaw kamtæ da hap wow khut da ka yalang ki sorkar jylla.
Discussion about this post