Shillong: I thmu ka KHADC iwa da dep rai ha ini wa dadep wow phah du kawi ka dorkhat cha ka sorkar pyrdi wa ka sorkar jylla hei yatoh wow pynkylla ya ka riti synchaar ka ri, ym em u man kaam ko ynne ka sngi heiwa ka yalang wa man ynne ka sngi da rai wow elaad da kiwi ki dhab wow phah ki ya ki dorkhat yong ki cha ka sorkar.
Ka sorkar pyrdi da paan yumut ko hei yatoh wa i thmu wow pynkylla ya ka Sixth Schedule (Amendment) Bill, 2012 wa ka Draft Constitutional (123 Amendment) Bill, 2015 wow pynkylla ya ka Article 280 ka riti synchaar ka ri wa ka Sixth Schedule.
Ka yalang ynne ka sngi da rai wow elaad da ka Meghalaya Indigenous Tribal Constitutional Rights Movement (MITCRM) wow phah chwa ya ka dorkhat cha ka sorkar pyrdi tangwa toh u phah ko leh yei jooh cha ki Autonomous District Council (ADC) kiwa em hapoh ka jylla.
Katkam wa da rai chwa toh ynne ka 8 tarik wa ka KHADC toh u phah ko du kawi donhi ka dorkhat cha ka sorkar pyrdi hei yatoh wa ini deiwa chim ya i yumut na waroh ki liang.
“Neidaw wa i pynkhreh dorkhat ka Meghalaya Indigenous Tribal Constitutional Rights Movement (MITCRM) da man i iwa dajan dep, da rai wa ka ye ko u phah chwa ya ka dorkhat yong ka cha ka sorkar pyrdi tangwa ki phang toh u yahaap ki wa kiwa da pynkhreh da ki District Council”, da ong u CEM ka KHADC u Pynshngain N. Syiem.
Da ong chooh chooh u wa daw chim ki ya ki phang wa da pynkhreh da ka MITCRM wa kiwi kiwi ki dhab wa ki seiñ ha ka dorkhat kawa daw phah da ki ADC.
Ha kani ka yalang, ka KHADC da emlang ki seiñbhalang kam ka KSU, FKJGP, HYC, GSU, kiwa kitkaam ka Synjuk Ki Nongsynshar Shnong ka Bri u Hynniewtrep (SNSBH) tangwa ki seiñ saiñ hima ym em u poi ki.
Da ong u leh wa emkaam wow puræ ya ka Annexed Agreement neibhah kani embynta ko wa ka Sixth Schedule.
Discussion about this post