Rai ki ar MLA ka HSPDP wow kyrchaan bait ya ka sorkar MDA

Shillong: Ki ar ngut ki MLA ka HSPDP da rai ki wow kyrchaan bait ya ka sorkar wa yahkhmat da ka NPP wot hadien wa kyntait u President warim ka HSPDP wow embynta ha ka sorkar wa emlang ka BJP.

Hawa yaklam wa kiwa pathai khubor ynne ka sngi, ki MLA wa kynthup ya u Samlin Malngiang MLA ka Sohiong wa u MLA ka Mawkyrwat u Renikton Tongkhar da ong wa iwa sakhiat hi toh ka party ka da rai ko wow kyrchaan bait ya ka sorkar wei kam ki MLA da dep ya soi pyrtuid ki leh wow kyrchaan ya ka sorkar.

Tangwa i kylla wa phah khubor ka Party hadien wow dam noh u e yei kyrchaan da booh ko hei eh neibhah man ko ka rai wa hak dak. Da pynsñiaw ki leh wa kam ki bru wa da rangbah sñiaw biej wow ran dien du hadien wa dadep yasoi wei dadep ekti leh cha u lat ka jylla.

Da ong ki wa hadooh katni dang man bait ki ki MLA ka HSPDP wei ym em itæ wa daw chah beh ki na ka seiñ.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha kawi ka liang, da pynbaad wa i kylla ka rai ka HSPDP wow dam noh u kyrchaan ya ka dhab ka Meghalaya Democratic Alliance (MDA) kawa yah khmat da ka NPP, toh neidaw wa da em ka yachem hapyrdi kiwa yahkhmat ka HSPDP wa kiwa yah khmat ka Congress u Vincent H Pala wa u Zenith M Sangma ynnin i step.

Du hadien kattu katni por wa ki MLA ka HSPDP da pynyoo ki yei tam sneiñ ya i mon ka Party deiwa lai smai ki wa kynthup ya u Samlin kam uwi na ki Montri, wei neiliang u President Rangbah ka HSPDP, u Ardent Miller Basaiawmoit da phah u ya ka chithi iehnoh kaam kam u President ka Party.