15 49.0138 8.38624 1 0 4000 1 https://wyrta.com 300 0

Rai ki wakreh ka EMRI 108 wow sangeh krehkaam ha iwon iwon i por

0 Comments
Advertisement ad1

Shillong: Ki wakreh ka GVK EMRI, Meghalaya hapoh ka lama yong ka Meghalaya EMRI Workers Union (MEMRIWU) da rai ki wow pynman ya i sangeh krehkaam neidaw wym mano kiwa pynlai kaam wow khut yaklam hajrong i dawa ki wakreh.

Katkam ka kyrwoh wa da phah da u Publicity Secretary, u Joseph Pyngrope da pyntip u wa hajrong ini i thmu ki wakreh da phah ki da i thoh cha kiwa pynlai deiwa pyntip wa i sangeh krehkaam ye ko wow sdang ha iwon iwon i por, hadien ar tayaw wa da phah ya i thoh.

Advertisement ad1

“Manda sdang i sangeh i krehkaam, waroh ki kari Ambulance wa ki kari 108 ha waroh kawi ka jylla u lai e kti noh cha kiwa pynlai ha ka yung krehkaam ka GVK EMRI kawa em ha Shillong,” da ong ka kyrwoh.

U Pyngrope da ong u wa ki wakreh da pynman ki ya ka yakhih nadooh ka 21 tarik u Kmaichonglad (Dec) 2018 deiwa krehkaam deilang wa i wah ya ki lama rong yong kam ka dak ya kiwa pynlai yow khut yaklam hajrong i dawa kiwa da e kti nadooh ka 6 tarik u jooh u bnai wei ha ka 7 tarik u Duiatra (Jan) 2019 da pynman leh ya ka lai paidbah yow pynbor ya kiwa pynlai wow khut yaklam.

“Ka Union ym kwah ko woow pynman ya ka yakhih ka wow ktah ya ki paidbah, neibhah i chakri yong ki kari 108 man ko neibynta kiwa kjut wa chitom, wei nadooh ka 15 tarik u Duiatra (Jan) 2019 da sangeh wow e ya ki Report wa man ka sngi chapoh ophis,” ong u Pyngrope.

U Pyngrope da ong u wa wot hadien kani ka yakhih wa jai jai yong ki wakreh, kiwa pynlai ym khut yaklam ki, wei lada maham kylla ki ya ki wakreh, ini daw pynman ko ya ka MEMRIWU wow chim ya ka rai wow sangeh krehkaam.

I dawa wa da booh da ka MEMRIWU kynthup ki ya i su tulop, ki sngi e chuti, i por kreh, i pynbiang ya ki Ambulance kiwa bha wa kiwi kiwi ki dawa kiwa em hadooh 36 tylli.

Advertisement ad1

0 Comments

Leave a Reply